Rooster verloor sy kraai
'Oom Vossie Vertel . . .' Kinderboekreeks
by
Book Cover & Preview Text
Onwillig strek Rooster hom tot sy volle lengte uit en met voete wat styf om die slaapstok klou, krom hy sy nek en trek terselfdertyd sy longe vol vars lug. Nou buk hy belangrik af en forseer sy kraai diep vanuit sy maag uit om by sy wydgapende rooi snawel uit te borrel. Al wat Saar egter hoor, is 'n "ge-eeg, -eeg, -eeg". Geen luide hanekraai soos waaraan sy gewoond is nie. Besorgd vra sy, "Rooster, wat gaan vanmore met jou kraai aan?" Verlee kyk Rooster skaamkwaad weg. "Ek weet nie, Saar". "Jou kraai is weg!" blaker Hester, die rooibruinhen, dit onverwags uit.
Formats
Book Details
About the Book
'Oom Vossie Vertel . . .' Kinderboekreeks Rooster verloor sy kraai 'n Aangrypende storie van getroue ou Rooster, spoghaan van Rusplaas, wat skielik nie meer kan kraai nie. Dit veroorsaak probleme vir al die plaasbewoners. Boer het geen ander keuse as om Rooster dorp toe te stuur na Tannie Anita toe nie. By Tant Lette van die buurplaas, koop hy vir Naas, die jong windbolhaan, wat Rooster se skoene moet volstaan op Rusplaas. 'n Taak waarin Saar, die hoofhen, Naas in moet skool. 'n Lekkerlees storie vir die jongspan, maar die ouergarde sal ook daarmee kan identifiseer.
About the Author
Hierdie is skrywer, Isak Vosloo, se eerste kinderboek wat verskyn in sy kinderboekreeks 'Oom Vossie Vertel . . .' As plaaskind en later boer en veekundige, uit die beeswereld van Vryburg, in Suid-Afrika, ontwikkel hy 'n besonderse liefde vir en grondige kennis van diere, daarom gebruik hy hulle baie kundig as hoofkarakters in sy kinderstories. Lees is ook 'n jarelange liefde wat hy graag aan kinders wil oordra omdat dit so lewensverrykend is.